བོད་ཀྱི་རིགས་གཞུང་

སྐྱིད་​ཤོད་​སྡེ་​པ་​ཆོས་​རྗེ་​རང་​གི་​ལོ་​རྒྱུས་​ནི་​ཁོང་​གི་​དངོས་​སློབ་​རོང་​པོ་​ཤར་​སྐལ་​ལྡན་​རྒྱ་​མཚོས་(1607-1677)མཛད་ ​པའི་​རྣམ་​ཐར་​དད་​པའི་​སྒོ་​འབྱེད་​བྱ་​བ་​ཡོད་​པས་​ཡབ་​མེས་​ཀྱི་​ལོ་​ རྒྱུས་​བཞིན་​ངེས་​གསལ་​ཞིབ་​ཕྲ་​ཡོང་​མི་​ཐུབ་​པ་​ཞིག་​མ་​རེད། དེབ་​ཐེར་​རྒྱ་​མཚོ་​ལས་​ཀྱང་​ཆོས་​རྗེ་​འདིའི་​སྐོར་​ཡང་​ཡང་​འབྱུང་​ལ་​ དེའི་​ཁུངས་​ཀྱང་​ཆོས་​རྗེའི་​རྣམ་​ཐར་​དེ་​ཡིན་​པར་​ངེས། རྣམ་​ཐར་​དེར་​ཆོས་​ཕྱོགས་​ཀྱི་​སྐོར་​གཙོ་​ཞིང་​རྒྱས་​པར་​བཤད་​པ་​མཛད་​པ་ ​ཙམ་​ཞིག་​ལས་​སྲིད་​ཀྱི་​སྐོར་​ལ་​དམིགས་​བསལ་​གྱི་​བཤད་​པ་​གང་​ཡང་​མེད་​ པར་​མ་​ཟད། ཆོས་​རྗེ་​རང་​གི་​ཡབ་​དང་​སྐུ་​མཆེད་​རྣམས་​ནས་​ཅི་​དང་​ཅི་​མཛད་​པའི་​ སྐོར་​ཡང་​གསལ་​བཤད་​མི་​སྣང་​།